Segue a tangrammanía!

E seguimos con máis tangrams (e os que xa marcharon se poidelos fotografiar...). Como vedes son todos diferentes, parecidos, sí, pero diferentes!

O tangram é un xogo sen fin, de orixe xaponés, apto para tódalas idades, dende os máis pekes para iniciarse nas mates e xogar coa imaxinación, ata os nosos maiores para exercitar a memoria, pasando por toda persoa que desfrute cun bo reto!

Crebacabezas para os máis pekechos

Estes crebacabezas de madeira pintada están indicados para nenos de ata 3 anos, xa que contan con poucas pezas de formas regulares e deseños sinxelos. E cando medran os pekes decoran o cuarto!! Cada un acompañado da súa caixiña, tamén feita e pintada a mao, para que quede todo ben recollidiño!

Escocia Punk

Eiqui o lanudo escocés que nos acompaña de feira en feira, para divertir co seu kirst a cantos llo levantan!! É un monicreque bunraku, o que quere dicir que é manexado por unhas varillas dende atrás, ao igual que os monicreques xaponeses, dotándoo dunha movilidade espectacular! E como non, todo feitiño en lá feltrada a mao.

Suave coelliño

Non está asustado, é que quedou soíño....pero en breves nacerán novos animaliños de lá polos recunchos da Chintofanería, para poder vestir tódolos dediños da mao. Suaves, suaves, suaves....

Patilongos

É unha xirafa? É un dragón? Noooooon! son os bichiños que nacen na Chintofanería! Son moi ben mandadiños, por catro fíos, e suaves, suaves coma unha ovella, por que, claro!! son de lá!!! Lá de cores fieltrada a mao, por suposto.